Седкүлчнриг ачлв

18-01-2024, 12:20 | Общество

Шидр Элстд олна дөңнлтин штабд таңһчин олнд зәңгллһнә эв-арһсин көдләчнрт ачлвр бәрүлҗ өглһнә байрин керг-үүлдвр болв. Хальмг Таңһчин то-дигин делгрлтин министр Алексей Этеев седкүлчнриг Әрәсән барин Өдрлә йөрәһәд, өөдән ачлвр бәрүлҗ өгв.

Лаганя района «Приморские известия» («Теңгс көвән зәңг») газетин ах зәңгч Светлана Манджиева Әрәсән залһлдана болн олна коммуникацсин министерствин «Залһлдана эрдмч» гидг өөдән темдгәр ачлгдв (зургт), барин ветеран Владимир Боваевд «Хальмг Таңһчин күндтә иргн», «Калмыкия» таңһчин зәңгллһнә агентствин һардачин дарук Виктор Мучеряевд «Хальмг Таңһчин сойлын ачта көдләч» гидг нерн зүүлһгдв. Светлана Дорджи-Горяевна ут тоодан 35 җилдән барин халхар үүлдҗ йовна, 1979 җилд Лаганя района «Приморские известия» газетд седкүлч болҗ ирҗ көдлсмн. Барин ветеранмуд Михаил Степанович Быков болн Полина Доржиевна Нанчаева күч-көлснә хаалһан эклхднь баахн седкүлчлә дамшлтарн хувалцҗ дөң-тусан күргсиг эн ханлттаһар тодлна. Эн җилмүдин эргцд «Советская Калмыкия», «Известия Калмыкии», «Время Калмыкии» һарцст көдлҗ, олн төрәр бичәд кесг умшачнр дунд күндллһ олв. Седкүлчин келсәр, хальмг улс цааҗла харһсн төр энүнә үүдәлтд онц орм эзлнә. Һучн җил хооран эн түрүн болҗ бүрдәгдсн Санлын поездәр хальмгуд тууврт бәәсн һазрт күрч, ах үйин улсин тодлврмуд барлсмн.
(полную версию статьи можно посмотреть в бумажной версии выпуска № 4 (18986) 18 января 2024 года, ЧЕТВЕРГ)

ДООҖАН Наталья

Видео