ЛНР-ин Антрацитовск районд - таңһчин тосхачнрин болн мергҗлтнрин дөң

18-01-2024, 12:35 | Общество

Давсн долан хонгин басң өдрлә, туула сарин 12-т «Хальмг Таңһч» РИА-н барин төвд болсн брифингд таңһчин залврин Ахлачин дарук Күүкән Нарн болн Луганск улсин республикин Антрацитовск районд Хальмг Таңһчин элч Шахана Андрей орлцв.

-Әрәсән ханьд орсн дөрвн региона райодын босхлһнд мана орн-нутгин цуг регионмуд дөңгән күргх зөвтә гисн даалһвриг Әрәсән Президент Владимир Путин өгсмн. Антрацитовск районд Хальмг Таңһч болн Сарпулин край дөң болҗана, – гиҗ күүндврин эклцәр Күүкән Нарн темдглв.
Хамгин түрүнд эднд бүрдәмҗин кесг төрәр селвг өгч, теднә муниципальн бүрдәцсин көдлмшиг Әрәсән зака тогталһнла ирлцүлх кергтә бәәсмн, тер мет төв хазнас эднд экономикин болн финансин халхар дөң күрггдҗәнә.
Болв Украинә халхас эднд арвад җилин туршарт ямаран чигн дөң күрггдҗәсмн уга, тегәд чигн 1950-ч болн 1960-ч җилмүдт тосхсн гермүдт, сурһульмудт, бичкдүдин садмудт ямаран чигн ясвр күцәгдҗәсн уга. Тер мет хаалһс хуучрад, йир му бәәдлд орсмн. Сүл җилмүдт болхла энд Сарпулин көдләчнр дигтә-дарата ясвр кеһәд, таалыг ясрулв. Үлгүрнь, урднь Новошахтинскас Антрацит балһсн тал күрхин төлә 4 частан йовдг бәәсн болхла, ода 40 минутын эргцд күрч болҗана гиҗ Наран Геннадьевич цәәлһв.
(полную версию статьи можно посмотреть в бумажной версии выпуска № 4 (18986) 18 января 2024 года, ЧЕТВЕРГ)

ТҮРВӘН Һуна