«МАНАХС»

18-01-2024, 13:00 | Общество

Бурятин режиссер болн зурач Солбон Лыгденовин нериг мана таңһчд әмтн меднә. Ик зуудан режиссерск үүлдврләнь әмтн таньлдсмн. Билгтә кинорежиссерин нерн Бурятьд болн цуг делкәд темдгтә. Сталинградск дәәлдәнд орлцсн Сиврин дивизин туск фильмдан Солбон Лыгденов мөрн цергә 110-ч Онц Хальмг дивизин тускар үзүлҗәдг дәәч йовдлмудыг орулсинь бидн меднәвидн. Хальмг артистнр болн баһчуд фильмин нег әңгд мөр унҗ орлцснь чигн тодлгдна.

Ода элстихн Солбон Лыгденовин зургудла таньлдхмн. Келн-улсин музейд бурят режиссерин болн зурачин һәәхүл туула сарин 24-д секгдхмн. Энүнә үүдәсн соньн олн зургудла таньлдх сән таал ода учрҗана.
Солбон Лыгденовин тускар келхлә, нертә кинорежиссерин үүдәгч хаалһнь телеүзлд эклсмн. Хөөннь кино цокч авлһна көдлмшт оньган өгч көдлв. Эн көдлмштән Солбон ик күцәмҗ бәрв. Бурятьд, Әрәсәд бәәтхә, Голливудт эн кинорежиссерин нериг кинон халхин үүлдәчнр сән меднә. «Миссия невыполнима», «Сталинград», «Мы из будущего» болн нань чигн фильмс бүрдәлһнд Солбон Лыгденов шунмһа кевәр орлцснь темдгтә. Бурятьдән болхла Солбон Лыгденов «Булаг-1» болн «Булаг-2» гидг фильмс белдҗ тәвсәрн нер һарсмн. Эн фильмс олн ачлврмудар темдглгдлә. Якутскд болдг кинофестивальд һол мөрә эн шүүҗ авсмн.
(полную версию статьи можно посмотреть в бумажной версии выпуска № 4 (18986) 18 января 2024 года, ЧЕТВЕРГ)

УШКАНА Сувсн

Видео