Седвәртә бичкдүдлә харһв

20-01-2024, 17:10 | Общество

Шидр Хальмг Таңһчин Улсин Хуралын (Парламентин) Ахлач Артем Михайлов таңһчд бичкдүдин зөв харслһна күцц зөвтә элчин медлд үүлддг Бичкдүдин олна хүүвин гешүдлә харһв. Харһлтд бичкдүдин зөв харслһна элч Чужан Наталья орлцҗ, хүүвин үүлдврин тускар ахрар келҗ өгв.

Мана таңһчд Бичкдүдин олна хүүв 2018 җиләс авн үүлдҗәнә, ода терүнә медлд 50 күүкн-көвүн орна. Цуһар эдн седвәртә, сурһулян сәәнәр сурдг, таңһчин олна бәәдл-җирһлд шунмһаһар орлцдг бичкдүд болна. Келхд, эдн Әрәсән бичкдүдин олна ниицәсин региональн әңгүдин гешүд болҗ, олн зүсн керг-үүлдврт орлцна. Бичкдүдин олна хүүвин гешүд таңһчин бичкдүд болн баһчуд дунд олн керг бүрдәҗ, буйнч седклин үүлдврмүд давуллһна седвәр татна. Тиигәд, эдн Донбассин бичкдүдт дөң күргнә, Бесланд болсн зеткртә аюлын ашт әмнәсн хаһцсн күүкд-көвүдин болн Төрскән харсгч Алдр дәәнә ветеранмудын санл тевчлһнә акцс давулна.
(полную версию статьи можно посмотреть в бумажной версии выпуска № 5 (18987) 20 января 2024 года, СУББОТА)

ДООҖАН Наталья

Видео