Фермерин хошт малыг бордҗана

20-01-2024, 17:20 | Общество

Малчнрин төлә хамгин дааврта үвлзлһнә кем гүргүдән орчкв. Эн амр биш кемиг сән аштаһар давулхин төлә таңһчин фермермүд хаша-хаацан ясад, малын хотан эртәснь белдв. Хальмг Таңһчин селәнә эдл-ахун министерствин зәңглсәр, таңһчин эдл-ахуст 1,5 сай шаху хөн болн 305 миңһн толһа бод мал үвлзҗәнә, малын хотан болхла зун процентд фермермүд белдсн билә. Селәнә эдл-ахуг делгрүллһнә шаңһа көтлврмүдт таңһчин малчнр урдк кевәрн орлцҗ дөң авчана. Нурһлҗдан эн дөң тохма мал өсклһнд йилһгднә. Тодлхас, давсн җилин урһц хуралһна ашар мана таңһчин селәнә эдл-ахун көдләчнр ончрсн билә. Тегәд шүрүн хотан малчнр болн хөөчнр күцц кевәр белдв.

2023 җилд Көтчнр поселкас 14 дуунад эдл-ахуһан бүрдәсн КФХ-н толһач Очр Черкасов мал өсклһнд шаңһас дөң авад бордлһна талвң тосхв. Тенд хальмг тохма бод малыг асрҗана.
Шидр Хальмг Таңһчин Залврин Ахлачин дарук Дмитрий Трапезников болн селәнә эдл-ахун министрин үүл дааҗадг Тимур Гаваев тиигәрән йовҗ, үвлзлһнә йовудыг бүрткв.
(полную версию статьи можно посмотреть в бумажной версии выпуска № 5 (18987) 20 января 2024 года, СУББОТА)

КАРСАНА Евгения

Видео