Арвн җилин көдлмшин күцәмҗ

20-01-2024, 17:45 | Общество

Арвн җил хооран П.Жемчуевин нертә таңһчин эмнлһнә улд «Эрүл-менд харлһн» гидг келн-улсин төсвин медлд судцна региональн төв бүрдәгдв. Зүркн-судцна күнд гемтә улст сән чинртә болн өөдән кемҗәтә медицинск дөң күрглһн эн төвин һол күсл болна. 2014 җилин туула сарас авн төв үүлдврән экләд, өөдән чинртә медицинск дөң күргх зөв авад, зүркн-судцна гемтә улст месллһ кедг болв. Эн җилмүдин эргцд төвин мергҗлтнр 11 миңһн һар месллһ кеҗ, кесг күүнә әм аврв. Шидр региональн төв 10 җилин өөнән темдглв.

Байрин хургт Хальмг Таңһчин эрүлменд харлһна министр Саран Булат, Хальмг Таңһчин Улсин Хуралын (Парламентин) депутат Аюша Гилән, таңһчин эрүл-менд харлһна көдләчнрин профсоюзин ахлач Манжика Евгения, зүркн-судцна хирургийин федеральн төвин әңгин һардач Михаил Горбунов Әәдрхнәс болн РУДН-а доцент Даниил Максимкин орлцв. Тер мет Әрәсән Орн-нутгин Хүүвин эрүл-менд харлһна әңгин ахлач Башанкан Бадм видеозалһлдана эв-арһар региональн төвин көдләчнриг өөнләнь йөрәв.
(полную версию статьи можно посмотреть в бумажной версии выпуска № 5 (18987) 20 января 2024 года, СУББОТА)

ДООҖАН Наталья
ЗУРГТ: байрин хургт орлцачнр

Видео