Төрскн һазртан эңкр баһчуд

20-01-2024, 17:50 | Общество

Әрәсән Президент Владимир Путина зәрлгәс иштә эн җил мана орн-нутгт өрк-бүлин Җил зарлгдв. Терүнд нерәдҗ олн зүсн керг-үүлдврмүд болхмн, олн үр һарһсн болн чик сурһмҗ өгсн эк-эцкнрин ач хәрүлхмн, нилхд төрлһиг урмдулхин төлә баахн өрк-бүлмүдиг дөңнхмн, олн зүсн марһан бүрдәгдхмн. Мана таңһчд баһчуд дунд олн үртә өрк-бүлмүдин то җил ирвәс өсч йовхнь байрта. Яшкулин района Чилгр селәнд бәәдг төрскнч седклтә Марчеловихнә өрк-бүл цуг наадк баһчудт үлгүр болх зөвтә гиҗ сангдна.

Арвн болн терүнәс үлү үр һарһсн экнрт Әрәсән Президентин зәрлгәс иштә 2022 җиләс авн «Мать-героиня» гидг өөдән цол дәкнәс зүүлһдг болв. «Иргнмүдин седвәр болн төсв дөңнлһнә күүкд улсин күчнә ниицән» гидг Әрәсән олна бүрдәц бас «Мать-героиня» гидг олна ачлвр зарлсн бәәнә, терүнд олн үртә экнр олн халхар ачлгдна. 2023 җилин ашар Яшкулин районд бәәдг зурһан үртә Анджелика Марчелова «Мать-героиня» гидг номинацд диилвр бәрәд, 2-гч девсңгин медаляр ачлгдв. Ут тоодан Әрәсән 38 регионас 426 эрлһн орҗ ирсн билә, теднәс 95 күүкд күн ямр нег номинацд диилвр бәрҗ ончрв.
Нәдвд болн Анджелика Марчеловихн Яшкулин района Чилгр селәнд бәәнә. Эдн Хальмг ик сурһульд сурчасн цагтан таньлдад, 2010 җилд өрк-бүлән өндәлһв. Герин эзн Чилгр селәнд өсәд-боссн күн болна, авальнь болхла Үстин района Үст селәнәс. Анджелика тоочин эрдмтә, эн күч-көлснә хаалһан Элстд хазна заллтд эклсмн. Болв Нәдвд сурһулян төгсәхлә, эдн төрскн Чилгр селәнд нүүҗ ирв. Энд Анджелика дунд сурһульд эрдмәрн көдлдг болв.
(полную версию статьи можно посмотреть в бумажной версии выпуска № 5 (18987) 20 января 2024 года, СУББОТА)

ДАВАН Наталья

Видео