«NASHAKALMYKIA» шин толь

20-01-2024, 18:10 | Общество

«NASHAKALMYKIA» гидг нертә сайтд орад өдгә цага хальмг келнә электронн толь керглҗ болна. Өдгә цага технологийин эв-арһар хальмг келиг дасх таал сәәхн учрҗана.

Номт-астроном, «Postgres Professional» компаня һардач Олег Бартуновин седвәрәр эн төсв күцәгдв. Электронн тольд 400 миңһн үг болн келц үгмүд орв. Урднь һарчасн тольмудт зуг 27 миңһн үг орҗасмн. Үгмүдәс нань тольд 5 миңһн хальмг нерн, үлгүрмүд болн нань чигн тоот орсн бәәнә. Онлайн янзар төрскн келән даслһна эв-арһ чигн терүнд бәәнә.
Төрскн келән даслһнд йир сән дөңцл болҗадг эн бүрдәцин тускар Хальмг Таңһчин Толһач Хаска Бату хальмг келнә делгрлтин халхар үүлдҗәдг селвгч Геннадий Корнеевла кесн күүндвртән темдглв.
Таңһчин Толһач номтнрин болн IT-нөкцллтин көдләчнрт олнд кергтә көдлмш кеснднь ханлтан өргв. Цагин некврлә ирлцүлҗ шин эв-арһар төрскн келән дасхд эннь йир ик туста гиҗ Таңһчин Толһач келв.
(полную версию статьи можно посмотреть в бумажной версии выпуска № 5 (18987) 20 января 2024 года, СУББОТА)

УШКАНА Сувсн

Видео