Татарстана Толһачла харһв

25-01-2024, 13:00 | Общество

Шидр Хальмг Таңһчин Толһач Хаска Бату Татарстан Республикин Толһач Рустам Миннихановла харһҗ кесг төрмүдәр күүндв. Тер мет зуульчллһ делгрүллһнә төр хаһлгдв. Хойр җил хооран Элст Хазн балһсдын хоорнд самолет экләд нисв. Мана аэропорт секгдхлә самолетмуд дәкнәс нисдг болхмн.

– Татарстанд олн зүсн бүрдәцс күцәмҗтәһәр көдлҗәнә. Нег үлү өдгә цагин эд-бод келһнә бүрдәцс региона экономикд баһ биш тәвцән орулҗ йовна. Элстд тосхгдх агропромпарк эрк биш өдгә цагин некврлә ирлцх зөвтә, гиҗ Хаска Бату темдглв.
Рустам Нургалиевичин тодлсар, найдгч җилмүдт эн Лагань балһснд ирәд, маши тосхлһна заводын көдлмшлә таньлдсн билә.
Бату Сергеевич Рустам Миннихановд ханлтан өргҗ, цаарандан нөкцлтхәр үгцв.

ОЛЬДАН Цаһан

Видео