«Әрәсән зүркн» – бүлин һулмт

25-01-2024, 13:05 | Общество

Шидр Әрәсән Президент Владимир Путин «Олн үртә өрк-бүлмүдиг дөңнлһнә кергүүлдврмүд» гидг зәрлг батлв. Терүнәс иштә һурвн болн терүнәс үлү үртә өрк-бүл олн үртә гиҗ тоолгдад, ууһн үрнь 18 нас күртл эс гиҗ сурһуль сурчадг болхла 23 нас күртл шаңһас дөң авдг болхмн. Эн туст олн үртә өрк-бүл шаңһа иткл цааста болхмн, тегәд талдан һазрур нүүһәд одсн цагтан чигн эдн батлгдсн онц зөвиг олзлҗ чадхмн.

Әрәсән Орн-нутгин Хүүвин Ахлач Вячеслав Володинә темдглсәр, орн-нутгин толһачин зәрлг ик чинртә шиидвр болҗана. «Олн үртә өрк-бүлмүд мана орн-нутгин эндрк болн иргч мөн. Урднь олн үртә өрк-бүлмүдт негдсн зөв өгдго бәәсмн. Регионмуд бийснь терүг йилһҗ авдг билә. Ода болхла һурвн болн терүнәс үлү үртә өрк-бүл шаңһас әдл дөң авдг болхмн», - гиҗ Володин келв. Энүнә седвәрәр Орн-нутгин Хүүвд удл уга өргн сүүр болхмн, терүнд олн үртә өрк-бүлмүдиг дөңнлһнә керг-үүлдврмүдин төр хәләгдхмн. Сүүрт олн үр асрҗадг улс, регионмудын, бәәрн залврин болн министерствсин элчнр орлцхмн.
(полную версию статьи можно посмотреть в бумажной версии выпуска № 7 (18989) 25 января 2024 года, ЧЕТВЕРГ)

БАТАН Сәәхлә
ЗУРГТ: өнр-өсклң Чимидовихнә өрк-бүлиг ачлҗах кем

Видео