Селән һазрт җирһл ясрад бәәх йоста

25-01-2024, 13:20 | Общество

Одахн Москвад «Малая родина — сила России» гидг Цугәрәсән муниципалитетмүдин ик хург болв. Энүнә туск тоолврарн Лаганя района толһач Юрий Когаев хувалцв.

- Тиим ик хургиг кезәнә кехмн билә гиҗ сангдна, - гиҗ мана күүндвриг Юрий Сергеевич эклв. – Яһад гихлә энд түрүн болҗ Әрәсән цуг муниципалитетмүдин долан дундур миңһн элч цуглрв, эдн кесг төрин тускар күүндв, тоолврарн хувалцв.
Ик хургин чилгчәр түүнә орлцачнрла Әрәсән Президент Владимир Путин харһв. Орн-нутгин толһачин үг мел Юрий Сергеевичин келснлә ирлцәд бәәв. Тиим керг-үүлдвр бүрдәдг кесг талвң бәәх зөвтә, тиим хургудыг улм ик тоотаһар давулх кергтә гиҗ Владимир Владимирович келв. Яһад гихлә муниципалитетмүд төв йоснла бат залһлда бәрх йоста, эдн нег керг күцәҗәнә. Зәрмдән бичкн муниципалитетд тосхдг объект шаңһа чинртә болна.
(полную версию статьи можно посмотреть в бумажной версии выпуска № 7 (18989) 25 января 2024 года, ЧЕТВЕРГ)

ТҮРВӘН Һуна

Видео