Үүлдврин һучн һурвн җилә өөдм

Драмин болн шог наадна таңһчин орс театр эн сезонд һарсн өдрән темдглҗәнә. 33 җил хооран «Строитель» сойлын герт эн театр эклҗ үүлдлә. Эн цагин туршарт театр кесг наад белдҗ тәвәд, олн керг-үүлдврт орлцад, делгрлтин хаалһдан орсн бәәнә.
Басңга Баатрин нертә Хальмг драматическ театрин орс багин ул деер театр үүлдврән эклсмн. Театриг түрүн директор Герман Хотлин толһалсмн. Ах режиссер болҗ Юрий Шапиро үүлдсмн. Келхәс, иим нег соньн йовдлыг темдглх кергтә. Театр бүрдсн өдр тиигхд ах режиссернь болсн Юрий Исаакович Шапиро һарсн өдрлә дигтә харһҗ ирлцсн билә.
Эн театрин тәәз деер режиссер Юрий Шапиро тәвсн наадд - «Трудные люди», «Ночные забавы», «Татуированная роза», «Мурлин Мурло», «Мой бедный Марат» таңһчин сойлын җирһлд темдгтә йовдлмуд болсмн.
Театрин коллективд нертә артистнр болн баһ наста билгтә баһчуд көдлҗәнә. Җил болһн театр шин наад белдҗ тәвнә, таңһчин сойлын җирһлд шунҗ орлцна. Ах үйин артистнрин кесгнь балһсна сурһульмудт үүдәгч кружокмуд һардҗ, олн күүкд-көвүдиг театрин үүлдврлә таньлдулна.
(полную версию статьи можно посмотреть в бумажной версии выпуска № 7 (18989) 25 января 2024 года, ЧЕТВЕРГ)
УШКАНА Сувсн