ЧИНРТӘ СЕЛВЛЦӘНД ОРЛЦВ

27-01-2024, 19:00 | Общество

Хальмг Таңһчин Толһач Хаска Бату Әрәсән Залврин Ахлачин дарук Татьяна Голикован һардврт күчкөлснә төрәр болсн селвлцәнд орлцв.

– Мана таңһчд көдлмш уга улсин то баһ биш, тер бийнь эн бачм төр хаһлгдҗана. 2020 җиләс авн тиим улсин то долан кемҗәнд баһрв, гиҗ Бату Сергеевич зәңглв.
Хамцу көдлмшин ашт социальн-экономическ делгрлтин халхар сүл һурвн җилин туршарт күцәгдсн 152 төсвин йовудт селәнә эдл-ахун, тосхлһна болн хулд-гүүлгәнә халхар хойр миңһн һар көдлмшч орм бүрдәгдв.
Энүнәс иштә таңһчин экономикиг делгрүлхин төлә керглгдҗәдг мергҗлтнриг белддг эв-арһс бас орулгдҗана.
Мана таңһчд оньган даңгин тусхаснд федеральн төвд Бату Сергеевич дәкнәс ханлтан өргв.

ОЛЬДАН Цаһан

Видео