Эцкиннь үлгүрәр малчар көдлҗәнә

27-01-2024, 19:25 | Общество

1966 җилд Сулейман Исаев Дагестанас Хальмг Таңһчд нүүҗ ирв. Приютна района 4-ч тойгта совхозд эдл-ахуһан бүрдәҗ эн көдлв. Тер цагас авн энүнә бәәдл-җирһл мел хальмг тееглә батар залһлдата болв. Энд долан үрнь һарв. Ууһн күүкән болн ардан дахулсн зурһан көвүһән Райханат авальтаһан өскәд-босхад, цугтаднь сурһуль болн чик сурһмҗ өгв. Фермер С.Исаев хальмг тохма бод малыг болн хөөдиг өскәд өрк-бүлән теҗәдг бәәҗ.

Ут тоодан тәвн тавн җилдән даавртаһар, седклән тәвҗ көдләд, Хальмг Таңһчин экономикд тәвцән орулҗ йовсмн. Насн-җирһлән мал өсклһнд нерәдәд, һундхд, һурвн җил хооран Сулейман Газбанович сәәһән хәәв.
Эцкиннь кергиг көвүнь Магомед һартан авч эндр күцәмҗтәһәр көдлҗәнә. Магомед Исаев Приютна района Первомайский поселкин дунд сурһулиг төгсәһәд, хошт эцкдән нөкд болҗ күч-көлснә хаалһан эклв. Эцкнь көвүһән бичкнәснь авн мал өсклһнд орлцулад, дамшлтарн хувалцад, кергтә тоотыг зааҗ өглә. Эк-эцкиннь үлгүрәр Магомед Сулейманович бас олн үртә болв. Өнр-өсклң Исаевихнә өрк-бүл зурһан үртә мөн. Ууһн үрд өсәд-босад, эврәннь өрк-бүлмүдән өндәлһв. Магомед Сулейманович болн Муминат Мерзамагомедовна хойр ода эңкр аав-ээҗ болв.
(полную версию статьи можно посмотреть в бумажной версии выпуска № 8 (18990) 27 января 2024 года, СУББОТА)

КАРСАНА Евгения

Видео