Әрәсән Президентин суңһвр дигтә-даратаһар бүрдәгдх

27-01-2024, 19:45 | Общество

Эн җилин моһа сарин 17-д Әрәсән Президентин суңһвр болхмн. Эн ик чинртә керг-үүлдврт яһҗ белдҗәхин тускар таңһчин Суңһврин комиссин Ахлач Бембә Чужаев, түүнә дарук Батр Эрднеев болн комиссин сегләтр Надежда Федорченко таңһчин олнд зәңгллһнә эв-арһсин седкүлчнрт тодрхаһар келҗ өгв.

Суңһвр моһа сарин 17-д болхмн. Әмтнд эн керг-үүлдврт орлцхин төлә сән таал тогтахин төлә суңһвриг һурвн өдртән - моһа сарин 15, 16 болн 17-д кех шиидвриг Әрәсән ЦИК батлв.
Ода Әрәсән Президентиг суңһлһна керг-үүлдврт 11 кандидат орлцҗана, тер тоод партьсин 8 элч: Леонид Слуцкий (ЛДПР), Владислав Даванков («Новые люди»), Борис Надеждин (Грани), Андрей Богданов (РПСС), Сергей Бабурин (РОС), Николай Харитонов (КПРФ), Ирина Свиридова (ДПР), Сергей Малинкович («Әрәсән комммунистнр») болн эврә дурар суңһврт орлцҗадг 3 күн – Владимир Путин, Рада Русских, Анатолий Баташев гиҗ нүр үгдән таңһчин Суңһврин комиссин ахлач Бембә Чужаев темдглв.
Цуг кандидатнр тедниг тоод авлһна төлә Әрәсән ЦИК-д суңһачнрин һар тәвсн бәрмт цаасан туула сарин 31-д асхн 18 час күртл орулҗ өгх зөвтә. Тер заасн бәрмт цаасиг орулҗ авсна хөөн 10 хонг болад Әрәсән ЦИК кандидатыг тоод орулҗ авхин туск эс гиҗ тиим зөв эс өггдҗәхин туск учр-утхта шиидвр батлх зөвтә.
(полную версию статьи можно посмотреть в бумажной версии выпуска № 8 (18990) 27 января 2024 года, СУББОТА)

ТҮРВӘН Һуна

Видео