МӘӘДР ГЕГӘН – ИРГЧИН БУРХН

27-01-2024, 19:50 | Общество

Удл уга цуг моңһл келтнр цугтан Цаһан сар байран темдглхмн. Цаһана байр гиснь хамгин ик чинртә юмн. Цаһан сар бүкл сардан болна гидг болв чигн, өөрд-хальмгин литәр һол өдрмүдднь гиҗ Цаһана нег шинәс авн арвн тавн Мәәдр гегәнә өдр күртл тоолгдна. Урд цагт Мәәдр гегәнә тускар өөрд-хальмг күн болһн маш сәәнәр меддг бәәсмн. Бурхн шаҗна номд Мәәдр гегәг Иргчин бурхн гиҗ келнә. Эн «maitri» үг санскрит келнәс орчулхла, «дурн» гисн учр-утхта болна. Мана моңһл келтнр дунд эн үг төвд келәр дамҗад тархасн болҗана. Төвдин үг «byams pa» моңһлчудын дунд Җампа, Замба гиҗ келгднә. Оһтруһун Далай Зая-Пандита эн үгиг төвд келнәс моңһл келнд орчулхла «асрх» (тод бичгт: asaraxu) гидг үүлдәгчәр эс гиж «асрңһу» (тод бичгт: asarangyui) гидг чинрлгч нерәр орчулсмн. Моңһл келтнр дунд Мәәдр гегәнә хурал гидг байр җил болһн темдглгднә. Эн Мәәдр гегәнә болн байр хурлын тускар домгудар дамжулад, тодрхаһар медүлий.


МӘӘДР БУРХНА ЦАГ КЕЗӘ ИРХИЙ?

Мәәдр бурхн олн-әмтн күләҗәх Иргчин бурхн болҗах учрас, Мәәдр бурхна цаг ирхлә, олн-әмтн сән-сәәхн җирһлтә, седкл-санан төвкнүн бәәх йоста гиҗ, Шарин шаҗнд шүтдг улс ицдг. Түүнә уңг-йозурнь соньн сәәхн домгар тәәлврлгдсн бәәдг.
(полную версию статьи можно посмотреть в бумажной версии выпуска № 8 (18990) 27 января 2024 года, СУББОТА)

МАНҖИН Намру
ЗУРГТ: Лаганьд бәрсн Мәәдр гегәнә көшә

Видео