ЭРДНИН Валерий: «Хальмг би болһн мини зүркнд»

27-01-2024, 20:10 | Общество

Эрднин Валерий гихлә хамгин түрүнд хальмг би, дарунь «Бамб цецг» ансамбль әмтнә сананд орна. Эннь салһгдшго медән болҗ, әмтнә уханд батрв. Эн өдрмүдт билгтә биич, нертә артист, балетмейстер Валерий Эрдниев 70 җилә өөнән темдглҗәнә.

Хальмг билгтин байринь хувалцҗ, «Бамб цецг» дууна болн бииһин академическ ансамбль ик концерт үзүлҗәнә.
Эрднин Валерий хальмг сойлын билгтә үүлдәчнрин негнь. Хальмг бииһин делгрлтд эн билгтин орулсн тәвцнь темдгтә. Билгтә биичин эрдмиг әмтн сән меднә, биичин бииг ик орн-нутгин кесг һазрт олн хәләһәчнр үзҗ, билгинь өөдән үнлҗ йовсмн. «Бамб цецг» ансамблин ханьд олн җилин туршарт хальмг бииһин сәәхн өвәрциг делкән кесг орн-нутгудын тәәз деер үзүлҗ, сойлын йоста элчнь болҗ йовсмн. Моңһл Улсин «Улсин иньгллт» гидг медаляр Валерий Борисович ачлгдсмн.
Әрәсән ачта артист, Әрәсән залврин, Цугәрәсән болн нарт-делкән кесг мөрән лауреат Эрднин Валерийд олн хәләһәчнр, хамгин түрүнд «Бамб цецг» ансамблин баг өөнә эн концертар йөрәлән нерәдҗәнә. Билгтә биичин, дамшлтта балетмейстерин үүдәгч хаалһин бүкл 50 җилнь эн коллективлә залһлдата.
(полную версию статьи можно посмотреть в бумажной версии выпуска № 8 (18990) 27 января 2024 года, СУББОТА)

ХӨӨЧИН Галина

Видео