ТӨВ ХУРЛД ШИН ҺАРДВР

30-01-2024, 13:00 | Общество

Шидр Бурхн Багшин Алтн сүмин һардвр сольгдв. Таңһчин төв хурлын демч-ламд Тубтен Цультима батлгдв.

Эврәннь болн нег һазра мана улсин нерн деерәс Тубтен Цультимаг йөрәҗәнәв. Батлгдсн үүлиг даавртаһар күцәҗ чадхднь иткҗәнәв, гиҗ Хаска Бату темдглв.
Урднь эн үүлиг дааҗ йовсн Йонтен гевш Әрәсән шар шаҗна төв Заллтын һардачд батлгдсн билә. Энүг Бату Сергеевич бас йөрәҗ, көдлмшән үннчик седклтәһәр күцәҗ, Хальмг Таңһчд бәәтхә цуг мана орн-нутгин цецгәрлтд тәвцән орулҗ йовхиг дурдв.
Одахн болсн харһлтын йовудт Хаска Бату болн Йонтен гевш шар шаҗна олн төрмүдиг хаһлҗ, тер мет 2025 җилд Элстд болх чуулһна халхар бас күүндв. Өдгә цагт шар шаҗна чинртә хургт белдврин көдлмш күцәгдҗәнә.

ОЛЬДАН Цаһан

Видео