МВД-н СҮҮРТ ОРЛЦВ

30-01-2024, 13:05 | Общество

Хальмг Таңһчин Толһач Хаска Бату таңһчин МВД-н өргн сүүрт орлцв. Тенд 2023 җилин ашнь шинҗлгдҗ, орсн җилин көдлмшин зура диглгдв.

Зөв-йос эвдсн кергүд 2,3 процентд баһрв, тер бийнь күцәх көдлмш ода чигн дала. Өдр-сө уга полицин көдләчнр нег һазра улсин төлә әәмшг уга бәәдл тогтахар шунна. Олн бүрдәцслә нөкцлтҗ, хамцу үүлдврин йовудт буру йовдл һарһсн улсиг цааҗла харһулна. Әәмшгтә йовдлмуд учрхла таңһчин иргнмүд хамгин түрүнд полицин көдләчнриг нөкд болхинь сурна. Энүнәс иштә эдн әмтнлә өөрхнәр залһлда бәрнә, гиҗ онц темдглх кергтә.
Тер мет сүүрин йовудт полицин ончрсн көдләчнр Күндллһнә темдгүдәр ачлгдв. Терүнәс нань эн җиләс авн полицин әңгин дааврта көдләчнр шишлң мөрәһәр эклҗ темдглгдхмн, гиҗ зәңглгдв.
– Таңһчин МВД-д, нег үлү министр Сергей Никифоровд сән көдлмш бүрдәснд ханлтан өргҗәнәв, гиҗ Бату Сергеевич темдглв.

ОЛЬДАН Цаһан

Видео