Бичкдүд билг-эрдмән делгрүлхин төлә

30-01-2024, 13:10 | Общество

Эн өдрмүдт Баһ Дөрвдә районд «Сойл» гидг келн-улсин төсвин «Сойлын таал» гидг шаңһа төсвин медлд бичкдүдин билг-эрдмин сурһуль бат ясврин хөөн байрин бәәдлд секгдв. Района бичкдүдиг ончта йовдлла йөрәхәр Хальмг Таңһчин залврин Ахлачин негдгч дарук Цернә Эрднь, Хальмг Таңһчин Улсин Хуралын (Парламентин) депутат Амика Лиҗ, таңһчин сойлын болн зуульчллһна министр Түрвән Саглр, Баһ Дөрвдә РМО-н толһач Җекин Баатр ирв.

Сәәхрәд өдгә цага некврлә ирлцүләд шинрүлгдсн бәәрн ясврин хөөн тавн холванд икдснь темдгтә. Сойлын бүрдәцд немр бәәрн тосхгдв, тегәд ода энд сурһулин болн билг-эрдм делгрүллһнә, олн зүсн керг-үүлдвр давуллһна төлә сән таал тогтагдв. Келхд, Баһ Дөрвдә бичкдүдин билг-эрдмин сурһуль тәвн җил хооран эдлврт орулгдсн билә, тер цагас авн энд бат ясвр кегдәд уга. Ясврин йовудт үүдд-терзмүднь, орань шинрүлгдв, хуучрсн цуг тоотнь сольгдв. Немр бәәр тосхгдад, көгҗмин болн бииһин кичәлмүд давулгдх хорас болн нәр-наадна бәәрн секгдв. Ясврин көдлмш кесн деерән сурһулин материальн-техническ ул батруллһна төр хаһлад, шин өлг-эдәр болн сурһулин дөңцләр теткв. Эндр ДШИ-д 150 күүкн сурна, эдн ду-бииһин, дүрслгч эрдмин халхар билгән делгрүлнә. Эн сурһульчнр таңһчин бәәтхә, Әрәсән болн нарт-делкән керг-үүлдврмүдт орлцҗ билг-эрдмәрн нер һарч йовна.
(полную версию статьи можно посмотреть в бумажной версии выпуска № 9 (18991) 30 января 2024 года, ВТОРНИК)

ДАВАН Наталья
ЗУРГТ: Баһ Дөрвдә ДШИ ясврин хөөн секчәх кем

Видео