Хаврин тәрәнә көдлмшт белдҗ

01-02-2024, 13:30 | Общество

Эн өдрмүдт һаза зөвәр киитрәд бәәнә, зәрм ормар цасн икәр орад, шүрүн салькн үләһәд, нам шуурһн шуурх чигн әәмшг учрад бәәнә. Эн саамд кеер көдлҗ йовдг улст йосндан сана зовнач. Урдк җилмүдт цасн икәр орад, малчнрин хошмуд тал хаалһс уга болад, зөвәр җаңһрта бәәдл тогтсн билә.

Зуг яһдг-кегдг болв чигн удлго, лу сарин арвнд, хальмгуд Цаһан Сарин байран темдглхәр белдҗәнә. Тегәд тег делгүдән цасар бүркгдсн бийнь эн кемд зурмн ичәнәсн һарч ишкрәд, хавр ирсиг герчлдг йоста, гиҗ мана көгшд келдг. Энүнлә ирлцҗ сән эзн эртәснь хаврт белддг гиһәд, селәнә эдл-ахун көдләчнр чигн эн җил элвг урһц хураҗ авхар зуралҗ, ода бийнь хаврин тәрәнә көдлмшт экләд белдҗәдг болна.
Тегәд давсн долан хонгин эклцәр Әрәсән селәнә эдл-ахун министр Дмитрий Патрушевин һардвртаһар 2023 җилин АПК-н көдлмшин аш шинҗллһнә болн эн җилин хаврин тәрәнд белдлһнә төрмүдәр шишлң сүүр давулгдснь басл орта болв гих кергтә. Тиигәд нидн орн-нутгин, тер дотр Хальмгин чигн, күч- көлсчнр агропромышленн бүрдәцин халхар сән күцәмҗ бәрсн болв. Эн өдрмүдт болхла мана таңһчин буудя урһадг эдл-ахуст хаврин тәрәнә көдлмшт белдврән эклсн бәәнә. Хамгин түрүнд селәнә эдл-ахун техник ясгдҗана, кергтә тосн-түлән, урһциг харслһна эв-арһс болн тәрәнә эк зөөҗ орулгдҗана.
(полную версию статьи можно посмотреть в бумажной версии выпуска № 10 (18992) 1 февраля 2024 года, ЧЕТВЕРГ)

ШАГҖИН Любовь
Зургт: Хальмг Таңһчар үүлддг «Россельхозцентр» ФГБУ-н әңгин ах агрономч Ангелина Чужданова тәрәнә эк шинҗлҗәнә

Видео