Өрк-бүлин һулмтын һал Элстд ирв

03-02-2024, 18:10 | Общество

Шидр мана таңһчд өрк-бүлин һулмтын һал авч ирв. Тодлхас, Москва балһснд ВДНХ-д давҗадг «Әрәсә» нарт-делкән һәәхүлд өнр-өсклң Терентьевихнә өрк-бүл Муром балһсна СвятоТроицк чонҗас тер һалыг авч ирсн билә. Крым Республикәс ирсн Кузнецовихн «Әрәсән зүркн» һулмтын һал шатасмн. Тегәд ода мана орннутгин регион болһнд эн һал күргв.

2023 җилин чилгчәр «Әрәсә» нарт-делкән һәәхүлин талвңд Хальмг Таңһчд нерәдсн өдрлә өрк-бүлән өндәлһсн Санл болн Эркина Найминовихн эн һалыг Аһш балһснас Элстд авч ирв. Туула сарин 30-д Аһш балһснд ончта йовдл болв. Терүнд ЮФО-н Адыгея Республикин, Ростовск, Әәдрхнә мүҗсин болн Хальмг Таңһчин элчнр ирҗ, эврәннь региона һалыг шатав. Тер өдрин асхар Найминовихн Аһшас Н.Н.Пальмовин нертә Келн-улсин музейд һалыг ирв.
– Мадна төлә эн йовдл ончта болн темдгтә болв, тер юңгад гихлә тиим дааврта саам учрснд хөвдән ханнавидн. Хальмг Таңһчд бәәдг өрк-бүлмүдт ут нас болн цаһан хаалһ дурдҗанавидн, – гиҗ Найминовихн келв.
(полную версию статьи можно посмотреть в бумажной версии выпуска № 11 (18993) 3 февраля 2024 года, СУББОТА)

КАРСАНА Евгения

Видео