«Иньгллтин хаалһар»

03-02-2024, 18:45 | Общество

Одахн туула сарин чилгчәр, Элстин техникин лицейин сурһульчнр болн багшнр Луганск Улсин Республикин Антрацит балһсна 4-ч тойгта сурһулин арвтнрла болн бичкдүдлә телезалһлдана эв -арһар харһлт кев. Ленинград балһсиг фашистнрәс сулдхсна 80 җилин өөнд нерәдсн күүндвр болв.

«Иньгллтин хаалһар» гидг Цугәрәсән төсвин йовудт эн керг-үүлдвр күцәгдв. Давсн җил тер төсв эклв. Эн төсвин нилчәр ДНР-ин, ЛНР-ин Запорожск болн Херсона мүҗсин көвүд-күүкд Әрәсән талдан регионмудын уйн наста күүкдлә таньлдҗ теднлә иньгллтән батрулна. Тер сурһульчнр сурһуль-эрдмин болн үүдәлтин халхар хамцу төсв эс гиҗ көтлвр күцәнә, тиим сән арһ эднд бас бәәнә.
Иигәд давсн җилин бар сарин 20-д йиртмҗ шинҗллһнә кичәлмүдт тооһин сурһуль-эрдмин көрңгиг олзллһна төрәр регионмуд хоорндк хург болв. Түүнд мана таңһчин сурһульмуд болн ЛНР-ин Антрацит балһсна 4-ч тойгта сурһулин багшнр орлцв. Хургин хөөн багшнр сурһульчнрла харһҗ күүндвр кев.
(полную версию статьи можно посмотреть в бумажной версии выпуска № 11 (18993) 3 февраля 2024 года, СУББОТА)

ТҮРВӘН Һуна

Видео