«Уханас учрсн уршг» – цагиг залһсн наадн

03-02-2024, 18:50 | Общество

Басңга Баатрин нертә Келн-улсин драматическ театрт дарани шин наад үзүлв. Александр Грибоедовин «Горе от ума» наадн хальмг келәр олн хәләһәчнрин оньгт тусхагдв. Хальмг улсин бичәч Калян Санҗ кесг җил хооран хальмг келнд эн наадыг орчулсн бәәҗ. Театрин ах режиссер Манҗин Борис наадыг белдҗ тәвсмн.

Эн җил театр эврә наадна кемән классическ үүдәврмүдт нерәдҗәнә. Театральн үүлдврт олн җилин туршарт зөвтә орман эзлҗәдг эн наадн Хальмг театрин тәәз деер тәвгдв. Сойлын седвәриг дөңндг Президентск саңгин нилчәр наадн белдгдв.
Хальмг театрин тәәз деер Грибоедовин цага бәәдл йир үнн кевәр тогтагдв. Тер цага хувцта артистнр, көгҗм, байн улс шуугҗ, ниргҗ, биилҗ, цаган давулҗадг бәәдл әмтнә оньгиг авлв.
Наадна өмн театрин фойед Калян Санҗин болн Александр Грибоедовин шүлгүдиг соңсх таал хәләһәчнрт учрв. Цагин йовудт эн билгтнрин нерд болн үүдәсн шүлгүднь мартгдлго, өдгә цага улст чигн урмд өгчәдг зөөр болҗахиг үзүлҗәдг төсвин эклц болгч наадн хәләһәчнрт таасгдв.
Наад тәвсн режиссер Манҗин Борисин келсәр, найдгч җилмүдт эн наадн белдгдҗәлә. Болв олнзүсн учрар хәләһәчнрин оньгт тусхагдсн уга. Ода санхнь цагнь күцәд уга бәәҗ. Яһдг болв чигн Калян Санҗин билгтә кевәр орчулсн наадна цагнь ирв. Хальмг театрин классическ үүдәврмүдтә эннь ирлцсн сән йовдл болв.
(полную версию статьи можно посмотреть в бумажной версии выпуска № 11 (18993) 3 февраля 2024 года, СУББОТА)

ХӨӨЧИН Галина

Видео