Йирн җилин өөнән темдглхәр белдҗәнә

06-02-2024, 15:01 | Общество

Элстәс җирн дууна һазрт Первомайский селән дүңгәнә. Эн хотн Приютна района ханьд орна. 1931 җилд «Хальмг комсомолын арвн җилин» нертә 16-гч тойгта совхоз бүрдәгдв. Хөөннь 4-гч тойгта совхоз болҗ, эндр болхла Первомайский гиҗ нерәднә.

1934 җилд тенд дунд сурһуль секгдәд, эн җилин намрар дигтә 90 җил болхмн. Эн поселкин дунд сурһуль байн тууҗта, орн-нутгин цуг хүврлтсиг дааҗ йовсн бүрдәц болна.
1991 җилд ончта йовдл болв. Первомайский поселкд хойр давхр сурһуль тосхгдад эдлврт орулгдв. Тосхгдсн шин гер бәәрн улст ик байр үүдәв, гиҗ келх кергтә. Сурһульчнр сарул, герлтә хораст сурдг таалта болв. Йирн җилин туршарт дунд сурһулиг дамшлтта, ик медрлтә, чадмг улс һардҗ йовла. Тедн дунд Алексей Ангрыков, Валентина Ангрикова, Александра Карпунина, Александр Жуков, Михаил Корогод, Нина Васецкая, Юрий Попов, Артем Михайлов болн талдан улсин нерд зааҗ болхмн.
(полную версию статьи можно посмотреть в бумажной версии выпуска № 12 (18994) 6 февраля 2024 года, ВТОРНИК)

КАРСАНА Евгения

Видео