Хаврин серлтиг тосч, Цаһан Саран темдглий!

10-02-2024, 13:15 | Общество

Лу сарин эклцәс авн теңгрин бәәдл сольгдад, киитн невчк баһрад, нарта өдрмүд уттад хавр аашхнь медгдҗәнә. Лу сард сәәхн байр ирнә. Хальмг әмтн ик дуртаһар Цаһан Саран тосна. Үвләс менд һарсндан байрлад, цугтан әмтн, мал-аһрусн, урһмл – цуг тоот нарна герлд тиниҗ, седкл таварн болна. Хаврин цевр аһар киилҗ, кеер һархла мартгдшго байр болна. Нарна герлтсн толян кениг чигн һазаран көтлнә.

Цаһан Сар лу сарин 10-ла ирлцҗәнә. Таңһчин Толһач Хаска Батун зәрлгәр эн өдр – келн-улсин байрин болн амрлһна өдр гиҗ зарлгдв.
Өрүн зулан өргәд, боорцган шарад, зандн улан җомбаһан дееҗд тәвәд, зальврад, әмтн хурлд ирнә, мөргүлд орна.
Цаһан Сарин байр Хальмгт кезән-кезәнәс авн тогтсн авъяс болҗана. Хаврин кем ирәд, Цаһан Саран темдгләд, хальмгуд нүүдлән соляд, талдан идгүр малан залдг бәәсмн. Малас төл авад, үкрмүд сааһад, үсн-тосн элвг болад, Цаһан Сар ирдг бәәсмн. Тууҗин йовудт, җирһлин хаалһд ямаран чигн күнд тоот учрв чигн хальмгуд хаврин эклциг тосдг сәәхн эн авъясан мартхмн биш. Үйәс үйдән әмтнә җирһлд батрад, кезәнк эн байр олн улсиг негдүлҗ йовна. Цагин йовуд дахад, хальмгудын хаалһнь секгдәд, ода эдн альд эс йовна, ямаран сурһуль эс сурна. Нарт-делкән ямр нег һазрт йовсн бийнь эдн Цаһан Сарин байриг темдглнә. Зулан өргәд, күңшү үнр һарһад, өрк-бүләрн, үүрмүдәрн харһҗ, байрарн хувалцна.
(полную версию статьи можно посмотреть в бумажной версии выпуска №14 (18995) 10 февраля 2024 года, СУББОТА)

УШКАНА Сувсн

Видео