Номтнрт ачлвринь бәрүлҗ өгв

10-02-2024, 13:27 | Общество

Давсн пүрвә өдрлә Элстд Әрәсән номин өдрт нерәдсн байрин хург болв. «Орн-нутгин болн таңһчин даалһвриг күцәлһн- Хальмг ик сурһулин һол керг» гиҗ эн хург нерәдгдв. Байрин хургин өмн хальмг вузин номтнрин күцәмҗин һәәхүл олна оньгт тусхагдв. Энд малын то өсклһнә, малын хот белдлһнә, астрофизикин, хальмг келнә тооһин шин эварһсин, моңһл үндстә улсин амн үгин зөөрин хураңһун болн нань чигн чинртә төрәр кесг һәәхүл бүрдәгдв.

Хальмг вузин номтнр болн оютнр, түүнә һардач Салан Бадм һәәхүлиг хәләсн таңһчин һардачнрт тодрха цәәлһвр өгв. Дарунь байрин хург эклв, Хальмг келн-улсин гимназин сурһульчнр шүлгән умшҗ, бииһән биилҗ энүнд орлцачнриг йөрәв. Түүнә хөөн Хальмг ик сурһулин номтнрин үүлдврин, теднә күцәмҗин туск соньн фильм үзүлгдв.
Дарунь вузд күцәҗәдг олн халхин шинҗллтин тускар Салан Бадм эврә илдклдән тодрхаһар келҗ өгв. Орн-нутгин «Приоритет-2030» көтлврин тускар цәәлһвр өгв. Ода Әрәсән нүүрлгч вузмудын тоод Хальмг ик сурһулин номтнр эн төсвд орлцҗ нәрн шинҗллт күцәҗәнә.
(полную версию статьи можно посмотреть в бумажной версии выпуска №14 (18995) 10 февраля 2024 года, СУББОТА)

ТҮРВӘН Һуна

Видео