Баһчудла хамцу үүлдхәр

10-02-2024, 13:33 | Общество

Шидр Хальмг Таңһчин Улсин Хуралын (Парламентин) Ахлач Артем Михайлов РФ-н Федеральн Хургин Федерацин Хүүвин медлд үүлддг баһ наста зака үүдәһәчнрин Палатын гешүн, Овата селәнә муниципальн бүрдәцин депутатнрин Хургин депутат Дмитрий Алдакимовла (зургт) харһв. Эдн түрүн болҗ харһҗ күүндв, тегәд парламентин Ахлач зака үүдәгч халхар шунлттаһар үүлдҗәдг баһ наста күүнлә таньлдҗ, кеҗ-күцәҗәх көдлмшәрнь соньмсв.

Харһлтын йовудт эдн хамцу үүлдврин тускар күүндәд, баһчудыг дөңнллһнә төрмүд босхв. Дмитрий Алдакимов нидн болсн баһ наста зака үүдәһәчнрин Палатын түрүн хүүвин тускар келҗ өгәд, таңһчин Улсин Хурал баһчудыг дөңнлһнә туст батлсн седвәриг дөңнхән медүлв.
Таңһчин болн орн-нутгин олна бәәдл-җирһлд шунмһаһар орлцдг, бәәсн һазртан ямр нег чинртә керг-төрин седвәр татсн баһ наста улсиг эрк биш дөңнҗ, нөкцҗ үүлдхвидн, гиҗ Артем Михайлов иткүлв.

ДАВАН Наталья

Видео