Баһчуд дәәнә тууҗиг медтхә гиһәд

10-02-2024, 13:36 | Общество

Лу сарин 2-т мана орн-нутгт Сталинградын дәәлдәнд диилвр бәрснә 81 җилин туурмҗта өөниг өргнәр темдглв. Хальмг Таңһчин кесг зун дәәчнр тер аврлт уга бәәр бәрлдәнд орлцҗ нерән туурулв, тедн дунд Лаганя улусин Красинское селәнә зөрмг дәәч Һәрә Хохолов йовсмн.

Тер өөнд нерәдҗ «Негдсн Әрәсә» партин дөңнлһнә штабин бәәрнд баһ наста сегәтнрин ниицәнә түрүн наадыг Элст балһсна колледжмүд дунд кев. Тер керг-үүлдвриг «Хальмг Таңһч» гидг хәәврин багмудын негдлтин һардач Дмитрий Халхинов бүрдәв.
- Давсн җилд Элст балһсна ДДТ-н бәәшңгин коллектив, «Бидн цугтан» гидг олна бүрдәц болн өдгә цагин гуманитарн лицей «Баһ наста сегәтнрин ниицән» гидг төсвиг үүдәҗ терүгәр Әрәсән президентин мөрә шүүҗ авв. Баһчудын үүдәлтин күчн-чидлиг делгрүлҗ, теднә сул цагиг тустаһар бүрдәлһнә, теднә ухан-сегәнә арһ-чидлиг делгрүллһнә күсл тәвгдҗәнә. Тиим кевәр колледжмүд дунд марһа бүрдәлһнә шиидвр авгдв,- гиҗ Дмитрий Владимирович эн марһана учр-утхин тускар келҗ өгв.
Энүнә тоолврар, марһан му бишәр давв. Колледжмүдин сурһульчнр сән медрлән болн сойлар, тууҗар, көгҗмәр соньмсчахан медүлв. Иигәд, «Угадай мелодию», «Квиз», «60 секунд», болн нань чигн марһанд эдн орлцв. Эн дөрлдән баһчудт икәр таасгдв.
(полную версию статьи можно посмотреть в бумажной версии выпуска №14 (18995) 10 февраля 2024 года, СУББОТА)

ТҮРВӘН Һуна

Видео