Күңшү үнр hарhад, күмн әмтн байрлна

10-02-2024, 13:46 | Общество

Хальмг келн-улсин сән өдрмүд дунд Цаһан Сарин байр ончта орман эзлнә. Эн өдриг угтҗ гер болһнд белдвр кегднә. Цаһан Сарин өмн күүкд улс олн зүсн боорцг кедг авъяс бәәнә, тегәд бидн мана бичкдүдин садын күүкд-көвүдлә теднә нерд дасч авнавидн. Баахн эк-эцкнр чигн эн кергүүлдврт орлцҗ, Цаһана боорцгуд кеҗ нердинь тодлҗ авна.

Цаhана өмн хальмгуд гертән күңшү үнр hарhад, боорцг шарна. Йирин цаhана боорцгиг олн зүсн кев hарhад кедг йоста юмн. Боорцг болhн эврә чинртә болн цәәлhвртә болна. Цаhанла ямаран нерәдлhтә боорцгуд кедгиг болн ямаран учр-утхта болдгиг медәтнрәс сурад медҗ аввидн. Тиигәд Цаhана боорцг hурвн багар хувагдна: дееҗин боорцг, белг өгдг боорцг, эдлдг боорцг. Дееҗин боорцгт эрк биш целвг, тоhш, шор белг, мошкмр, хуц, кит тәвдмн. Белгт болхла бас хавтха, хуц, кит, җола, мошкмр, тоhш, шор белг ордг йоста. Цуг наадк боорцгиг болхла элдврин боорцг гиҗ нерәднә.
Кемрҗән Цаhана өдрлә күүнә герт гиичд одсн цагтан тер белгин боорцган утцнд келкәд авч одх кергтә.
(полную версию статьи можно посмотреть в бумажной версии выпуска №14 (18995) 10 февраля 2024 года, СУББОТА)

ХУДАН Булһн, Элст балһсна 1-гч тойгта «Незабудка» бичкдүдин садын немр сурhулин багш

Видео