Шавтсн улст золһҗ одв

15-02-2024, 12:00 | Общество

Шидр Хальмг Таңһчин Толһач Хаска Бату лу сарин 10-11-д Элстд зеткртә йовдлын йовудт шав авад эмнлһнд бәәдг улст золһв.

– Икәр шавтсн Росгвардин цергч федеральн эмнлһнд йовулгдхмн, хойрнь болхла Элстин эмчнрин хәләврт үлдхмн. Тер мет Ю.Клыковин нертә уульнцд шавтсн өрк-бүлиг реанимацас һарһад, тедн ода йирин әңгд цаарандан эмнлһ авчана. Удл уга негинь Москвад бәәдг Гельмгольцин нертә нүднә клиникд йовулхар белдҗәнә, – гиҗ Бату Сергеевич зәңглв.
– Шавтсн улс эдгҗ, гертән шулуһар хәрҗ иртхә. Маднд нөкд болсн Әрәсән эрүл-менд харлһна министр Михаил Мурашкод болн нег һазра эмчнрт ик ханлтан өргҗәнәв, – гиҗ Хаска Бату товчлв.

ОЛЬДАН Цаһан

Видео