Цаһан Сарин евәлд багтҗ, таңһчин әмтн байсв

15-02-2024, 12:15 | Общество

Цаһан Сарин байран хальмг улс ик байртаһар темдглв. Зурмн ичәнәсн һарч, хальмгудын хамгин дурта цаг ирсиг, хаврин сәәхн нарн цуг тоотыг дулалсиг медүлв. Урднь тогтсн сәәхн авъясар зулан өргәд, үстә-тоста җомбаһан дееҗд тевәд, Цаһана боорцгар өрк-бүлән, элгнсадан тооһад әмтн байрин өдриг темдглв.

Эн җил Хальмг Таңһчин улст Цаһан Сарла Әрәсән Президент йөрәлин үгән нерәдв. Хальмг улсиг йөрәсн бичгүд таңһчин Толһачин нернд олн һазрас ирв. Әрәсән Президент Хальмгин Шаҗн Лам Тендзин Чойдакин нернд шишлң йөрәл илгәснь бас ончта йовдл болв.
Бурхн Багшин Алтн сүмд ирәд әмтн байрин ик мөргүлд орв. «Цуг тадниг келн-улсин герлтә сәәхн байрла, Цаһан Сарла, йөрәҗәнәв, – гиҗ Хальмгин Шаҗн Лам гевш Тендзин Чойдак йөрәлин үгдән келв. – Төрскн һазр-усндан эңкр болтн гиҗ дурдҗанав. Кезәңк авъясмудан бәрҗ, Бурхн Багш маднд хәәрлсн номиг цеврәр хадһлҗ, заясн заавринь бәәдл-җирһлдән олзлҗ йовтн. Өдр болһн буйнта нег бичкн керг кеҗ йовв чигн тана буйн-кишг икдхнь маһд уга. Окн Теңгрин евәлд багтҗ, уралан зүткҗ йовтн!».
(полную версию статьи можно посмотреть в бумажной версии выпуска № 15 (18997) 15 февраля 2024 года, ЧЕТВЕРГ)

УШКАНА Сувсн

Видео