Зун нас наслсн ээҗ

15-02-2024, 12:25 | Общество

Шидр Элст балһснд бәәдг Матрена Манджиевна Бадмаева 100 җилин өөнән темдглв. Ончта өөнләнь Әрәсән Президент Владимир Путин йөрәлин бичг илгәв, терүг Хальмг Таңһчин социальн делгрлтин, күчкөлснә болн көдлмшәр тетклһнә министрин дарук Һәрән Ольга көгшәд бәрүлҗ өгв. «Та дәәнә цагин күчр-күндиг дааҗ һарад, орн-нутган босхҗ авсн, эндр маднд бат ул тогтасн дииләчнрин алдр үйин күн болнат», - гиҗ Әрәсән Президентин йөрәлин Бичгт келгдҗәнә.

Матрена Манджиевна Үстин района Цаһан Амн селәнд һарсмн. Төрскән харсгч Алдр дән эклхлә, эн арвн долата күүкн бәәсмн. Залу улс дәәнә һалд йовсн цагт арднь үлдсн күүкд улс болн медәтнр Әәдрхн- Кизләр хоорндк төмр хаалһ тосхҗ, күнд көдлмш күцәҗ йовсмн. 1942 җилин һаха сарас авн 1943 җилин хулһн сар күртл эн талдан баһчудла хамдан төмр хаалһин тосхлтд орлцв. Немшин самолет бомб хайҗ эдн деегүр нисәд һардг бәәсиг медәт эндр күртл мартхш.
(полную версию статьи можно посмотреть в бумажной версии выпуска № 15 (18997) 15 февраля 2024 года, ЧЕТВЕРГ)

ДООҖАН Наталья
ЗУРГТ: Хальмг Таңһчин социальн делгрлтин, күч-көлснә болн көдлмшәр тетклһнә министрин дарук Һәрән Ольга Матрена Манджиевнаг йөрәҗәх кем

Видео