Афганистана дәәнд орлцачнрин санлынь тевчв

17-02-2024, 17:10 | Общество

Хөрдгч зун җилин найдгч җилмүдт Афганистанд болсн дәәнд Советин Союзин цергчнр орлцад, даалһсн кергән күцәһәд, 1989 җилд тендәс һарад, эн җил дигтә һучн тавн җил болв. Урҗ өдр мана орн-нутгт, нег үлү мана таңһчд эн йовдлд нерәдсн санлын керг-үүлдврмүд давв.

Элстд «Мөңк һалын» өөр санлын митинг болв. Хальмг Таңһчин Толһач Хаска Бату, Улсин Хуралын (Парламентин) Ахлач Артем Михайлов, Залврин Ахлачин дарук Цернә Эрднь, зөв-йос харлһна болн баһчудын бүрдәцсин элчнр эн керг-үүлдврт орлцв.
– Тер дәәнд нег һазра мана улс зөргтә кевәр дәәлдҗ, кесгнь әмнәсн хаһцв. Нәәмн зун һар күн талын орнд церглв, 493-нь Афганистанд болсн дәәнд орлцв. Советин Союзин Баатр Очра Валерий, таңһчд Улан Тугин орденә ор һанцхн кавалер Доран Игорь, Улан Одна хойр орденә кавалер Владимир Свириденко, Улан Одна орденә кавалермүд Геннадий Берестнев, Николай Ковалев, Очра Анатолий, Бутан Тавн, Артем Рубашанов, дәәнә һалд орад әмнәсн хаһцсн Баран Эдуард, Игорь Плотников, Бадан Юрий, Иван Слизский, Саид-Магомед Ахматханов болн талдан нерд Хальмг Таңһчин тууҗд алтн үзгүдәр бичгдҗ орв, – гиҗ Бату Сергеевич темдглв.
(полную версию статьи можно посмотреть в бумажной версии выпуска № 16 (18998) 17 февраля 2024 года, СУББОТА)

КАРСАНА Евгения

Видео