Селәнә эдл-ахун Өдр болв

17-02-2024, 17:20 | Общество

Цаһан Сарин байрин өмн өргнд Москвад ВДНХ-д, давҗадг «Әрәсә» нарт-делкән һәәхүлин йовудт селәнә эдл-ахун Өдр болв. Орн-нутгин АПК-н көдләчнр цуглрҗ, таньлдҗ, дамшлтарн болн күцәмҗәрн хувалцв. Керг-үүлдврин йовудт олн зүсн мастер-класс, һәәхүл, яарм, «төгрг ширәс» болн талдан соньн харһлтс давв.

Терүнә йовудт хамгин чинртәнь фермермүдин Цугәрәсән түрүн ик хург болв. Энүг Әрәсән селәнә эдл-ахун министерств «Народный фермер» Ассоциацла хамдан бүрдәв.
Баһ агробизнесин орн-нутгин миңһн шаху элч хургт орлцв. Шаңһас йилһгдҗәдг дөңнлһнә эв-арһсин туск болн талдан бачм төрмүд тенд хаһлв.
Әрәсән селәнә эдл-ахун министр Дмитрий Патрушев фермермүдиг соньмсулҗадг сурврмудт хәрү өгв. Энүнә келсәр, өдгә цагт орн-нутгт кергән күцәҗәдг КФХ-с 15-16 процентд эдл-уушар хулд-гүүлгәнә халхиг теткнә. Тер мет фермермүд болн селәнә эдл-ахун бүрдәцс буудя, боднцг болн талдан темс болн зерземш урһаҗ әмтиг теткнә. Терүнәс нань махна, заһсна, үснә зүүтә хотхол олн-әмтн дунд бас тааслт олв. Темдглхәс, эндр арһлачнр өдгә цагин некврлә ирлцҗәдг кергсл олзлна, эннь сән чинртә эдл-ууш кеҗ һарһлһнд туслна.
(полную версию статьи можно посмотреть в бумажной версии выпуска № 16 (18998) 17 февраля 2024 года, СУББОТА)

КАРСАНА Евгения

Видео