Цергә төвд дәәчин белдвр авх

17-02-2024, 17:40 | Общество

Цаһан сарин байрин өмн Хальмг ик сурһульд байрта зәңг ирв - һоллгч вузин медлд цергә-сурһулин төв (урднь цергә тиңкм гиҗ нерәдгдҗәлә) секгдҗәнә. Түүнә тускар шидр болсн хург деер таңһчин СМИ-н седкүлчнрт вузин һардач Салан Бадм келв.

- Урднь тиим цергә тиңкм Хальмг ик сурһулин ул деер 1980 җиләс авн үүлдҗәлә. Хөрн шаху җилин туршарт 3,5 миңһн офицерт мана вуз сурһмҗ болн медрл өглә, тиим эрдм мана оютнрт ик гидгәр таасгдҗала. Болв йирдгч җилмүдт цергә тиңкм хаагдла. Тиим болв чигн бидн тасрхан угаһар тиим цергә-сурһулин тиңкм секх санаһан медүләд, эн халхар күүндвр даңгин кедг биләвидн, – гиҗ Бадм Катинович хургин эклцәр темдглв.
Аштнь кесг вузмудын нилчәр болн сурврар Әрәсән залврин закврар тиим төвмүд цуг регионмудын һоллгч вузмудт секгдв. Хальмг ик сурһулин һардвр эн туст белдврин ик көдлмш кев. Хамгин түрүнд цергә сурһуль давулх шишлң гер олҗ авгдв, тенд олн зүсн кергсл болн нань чигн юмн тәвгдх, тиим кевәр шин сурһулин җилин эклцәр һаха сард түрүн 90 оютнр цергә белдврән эклх. Эдн 1,5 - 2 җилдән сурх, дасвр авлһна чилгчәр эдн салдсин эс гиҗ сержантын цергә цол зүүх гиҗ цергә төвин һардачин дарук майор Абушина Элвг күүндврт орлцҗ келв.
(полную версию статьи можно посмотреть в бумажной версии выпуска № 16 (18998) 17 февраля 2024 года, СУББОТА)

ТҮРВӘН Һуна

Видео