Төрскән харсачнрт белгән илгәв

20-02-2024, 13:10 | Общество

Шишлң цергә керг-үүлдвр экләд, хойр җил болҗ йовна. Эн цагин эргцд мана орн-нутгин улс күчән негдүлҗ, ниицлтән медүлҗ цергчнриг болн эднә өркбүлмүдиг дөңнҗ, Диилврин өдриг хамдан өөрдүлхәр шунҗана. Төрскән харсачин Өдр угтҗ «Негдсн Әрәсә» партин болн цергчнрин өрк-бүлмүдин комитетин седвәрәр СВО-д орлцачнрт дулан хувцхунр цуглуллһна керг-үүлдвр давулгдҗана.

Эн өдрмүдт таңһчин район болһнд цергә даалһвр күцәҗ йовдг нег һазра улсиг Төрскән харсачин Өдрлә йөрәҗ гертәснь белг өгүлхәр белдҗәнә. Эн кергт бичкдүдин җисәнә гешүд шунмһаһар орлцҗахнь темдгтә. «Движение Первых» гидг бичкдүдин олна җисән нег сара хонгин туршарт СВО-д орлцачнрин төлә кергтә тоот цуглуллһна керг-үүлдвр давулв. Эдн таңһчин райодт болн Элстд шишлң бәәр секәд, әмтн авч ирсн хувц, хот-хол цуглулв, хорһн шам кев, бу-селм хальчлдг гөлм өлгв болн нань чигн керг күцәв. Тиигәд, Яшкуль селәнә Е.Хаглышеван нертә олн халхин гимназин «ДвижениеПервых» гидг олна ниицәнә бичкдүд, Һашун селәнә А.Очировин нертә болн Улан Эрг селәнә сурһульмудын күүкд-көвүд, района дегтрин саңгин болн «Все для дома» лавкин көдләчнр цергчнрин төлә олн зүсн хувц-хунр, эм, хот-хол болн нань чигн кегдл цуглулв. «Төрскән харсачнр» саңгин социальн зүүцүләч Балжан Гуспанова буйнч седклин кергт орлцачнрт ханлтан өргҗ, төрскн һазраснь илгәсн белг цергчнрт чидл-омг өгхиг темдглв.
(полную версию статьи можно посмотреть в бумажной версии выпуска № 17 (18999) 20 февраля 2024 года, ВТОРНИК)

ДАВАН Наталья
ЗУРГТ: Элст балһсна 4-ч тойгта дунд сурһулин сурһульчнр болн багшнр цергчнрт эврә белгән белдв

Видео