«Цаһан Сарин хаалһ»

20-02-2024, 14:00 | Общество

Иим һәәхүл А. Амр-Санана нертә Келнулсин дегтрин саңд шидр болв. Людмила Старостинан (зургт) цоксн зургудын һәәхүлд хойр зун күн цуглрҗ ирв. Хавр ирҗәдг байрт нерәдсн зургуд һәәхүлд үзүлгдв.

Людмила Старостина - «Свое фермерство» гидг селәнә эдл-ахун төрәр барлгддг һарцин ах редактор болҗ көдлнә. Эрдмәрн эн биолог, аграрн төрәр материалмуд бичнә. Тер мет зург цоклһнд килмҗән һарһад, соньн олн йовдл тодлулсн зургударн әмтнд темдгтә болв. Көдлмшин халхар олн җил хооран Хальмгт түрүн болҗ ирсн цагас авн седкүлч эн һазрт дуран өгснә тускар бийнь келнә.
Хальмгин һазрт эн седкүлч тиигәд хөрн җилин туршарт ирәд бәәсмн. Тер цагин йовудт кесг зург цокч авч, таасгдсн тоотан зургудт тодлулсмн. Теднәс хамгин соньн болн чинртә тоотынь Людмила Старостина Хальмгин хәләһәчнрин оньгт тусхаҗана. Келн-улсин дегтрин саңгд үзүлгдҗәх зургудаснь герл һарсн болҗ әмтнә оньг авлна.
Зургудт тодлгдсн теегин бәәдл, энд бәәдг әмтнә дүрмүд, учрсн олн йовдлмуд, нәәрин кем болн олн нань чигн тоот эн зургудт тодлгдҗ. «Цаһан Сард кесн хаалһ» гиҗ йир сәәхнәр һәәхүлән Людмила нерәдсмн. Хавриг тосч, нарна герлд ээврлсн, үвләс менд һарсн хальмгуд эн өдрмүдт Цаһан Саран темдглҗәнә. Хавр теегт ирҗәх сәәхн цагла Людмила Старостинан һәәхүл секгдв. Олн җилд Хальмгт ик дуртаһар седкүлч ирҗәдг дурни темдгүд болҗ эн зургуд хәләгднә.
(полную версию статьи можно посмотреть в бумажной версии выпуска № 17 (18999) 20 февраля 2024 года, ВТОРНИК)

ҖИРҺЛИН Кермн

Видео