Федеральн Хургт дуудвр кехмн

22-02-2024, 13:00 | Общество

Әрәсән Президент Владимир Путин лу сарин 29-д Федеральн Хургт дуудвр кехмн. Энтн җил болһн болдг керг-үүлдвр, терүнд орн-нутгин толһач кеҗ-күцәгдсн көдлмшин аш диглҗ өөрхн иргчд ямаран төрмүд һоллгч болхиг темдглнә. Владимир Путин Әрәсән экономикин, политическ бәәдлин тускар келҗ, парламентин зака үүдәгч үүлдврин һол зөрүллтсин төрмүдиг заахмн гиҗ күләгдҗәнә.

Керг-үүлдврт сенатормуд, Орн-нутгин Хүүвин депутатнр, регионмудын һардачнр, орн-нутгин залврин гешүд, Олна болн то-дигин палатмудын, төв суңһврин комиссин, бурхн-шаҗна элчнр орлцхмн.
Нидн Әрәсән Президент Федеральн Хургт лу сарин 21-д дуудвр кесн билә. Терүнд шишлң цергә керг-үүлдврт орлцачнриг болн теднә өрк-бүлмүдиг дөңнлһнә шишлң саң бүрдәлһнә, әмтнә җалв икдүллһнә төрмүд босхгдсмн. Эн җил чигн орн-нутгин экономическ, технологическ болн финансов үлмә уга бәәлһнә төрмүд һоллгч болхнь лавта. Әрәсән иргнмүдин олз-орунь өсхин тускар бас келгдхмн.

БАТАН Наталья

Видео