Төрскән харсачнриг йөрәҗәнәвидн!

22-02-2024, 13:10 | Общество

Җил болһн үвлин чилгчәр мана орн-нутгт Төрскән харсачин сән Өдр темдглнә. Эн өдрт цергә улсиг бәәтхә, ик-бичкн уга цуг залу улсиг йөрәдг авъяс бәәнә.

Ик кезәнәс авн мана орн-нутг эврә баатрмударн ончрсинь цуһар меднә. Мана өвкнр Төрскән харсгч Алдр дәәнд орлцад, әмән әрвллго, цусан асхҗ, зөрмгәрн ончрҗ, диилвр делдҗ, олна төлә әәмшг уга бәәдл тогтав. Терүнәс нань өдгә амр биш цагт орн-нутгин, нег үлү нег һазра мана улс цергә шишлң керг-үүлдврт түрүн зергләнд йовҗ, Төрскән харсч йовна.
Өрк-бүл болһнд эврә харсач бәәдг, эннь аав, эцк, ах, аваль, көвүн үрн мөн. Бичкнәснь авн көвүн үриг иргчдән йоста зөрмг баатр болхинь сурһҗ өскнә. Хальмг өрк-бүлд көвүн үрн һархла ик байр болдг. Тер юңгад гихлә тохминнь нерән дуудулҗ йовх күн болҗана. Ик кезәнәс авн мана өвкнр «Җаңһр» алдр дуулврин үлгүрәр көвүдән өскдг бәәҗ. «Җаңһрин» баатрмуд цецн ухата, һольшг, тевчңгү, чидлтә, зөргтә дәәчнр-харсачнр болдгнь лавта.
Өдгә цагт лу сарин 23-д залу-зөрмг, төрскнч седклтә, Төрскндән хару улсин өдр болҗ темдглгднә, гиҗ келх кергтә.
Төрскән харсачин өдр угтҗ, мана таңһчд олн зүсн керг-үүлдвр давулгдв. Дунд сурһульмудт Төрскән харсачнрт нерәдсн шишлң кичәлмүд болв. Терүнә йовудт Төрскән харсгч Алдр дәәнд болн цергә шишлң керг-үүлдврт орлцачнрин тускар арвтнрт келҗ өггдв. Тер мет сурһуль-эрдмин бүрдәцст СВО-д орлцачнрла харһлтс болв. Терүнәс нань көвүд-күүкд нег һазра мана цергчнрт бичгүд бичәд илгәв.
(полную версию статьи можно посмотреть в бумажной версии выпуска № 18 (19000) 22 февраля 2024 года, ЧЕТВЕРГ)

КАРСАНА Евгения