Әәдрхнд Цаһан Сариг өргмҗтәһәр темдглв

22-02-2024, 13:15 | Общество

Одахн Әәдрхн балһснд Цаһан Сарин байрт нерәдсн керг-үүлдвр болв. Әәдрхнәхн болн тенд бәәдг хальмгуд байрин нәәрт олар ирв. Әәдрхнә мүҗин сойлын министерств, мүҗин номинметодическ сойлын төв болн «Хальмг» нертә хальмг сойлын ниицән керг-үүлдвриг бүрдәв.

«Аркадия» нертә сойлын бәәшңгин өөр зурһан ишкә герәс тогтсн хальмг хотн дүңгәв. Энүг Хальмгин Яшкулин, Хар Һазра болн Әәдрхнә мүҗин Лиманск болн Икрянинск райодын элчнр тәвв. Байрт ирсн гиичнр ишкә гермүдин дотр орҗ хальмг улсин авг-бәрцлә, сойлла таньлдҗ, шимтә хот-хол, боорцг, җомба амсҗ тоогдв. Тер мет һарин эрдмин хальмг урчнр бүрдәсн соньн һәәхүлин йовудт ишкәһәр кеҗ һарһсн олн зүсн кегдлмүд, наадһас, белгүд үзүлв. Терүнәс нань арһмҗ хайлһар мастер-класс бас давулгдв.
Байрин концерт «Аркадия» нертә сойлын бәәшңд болв. Хальмг Таңһчин Залврин Ахлачин негдгч дарук Очр Шургучеев, Әәдрхнә мүҗин вице-губернатор Павел Паутов болн Парламентин һардач Игорь Мартынов керг-үүлдврт орлцв. Күндтә гиичнриг цаһан хадг татҗ тосв.
(полную версию статьи можно посмотреть в бумажной версии выпуска № 18 (19000) 22 февраля 2024 года, ЧЕТВЕРГ)

ОЛЬДАН Цаһан

Видео