Залу-зөрмг дәәчнрәс үлгүр авна

22-02-2024, 13:40 | Общество

Давсн пүрвә өдрлә, лу сарин 15-д мана орн-нутгт болн таңһчд Афганистанас Советин Союзин цергиг һарһсна 35 җилин өөниг темдглв. Тер өөнд нерәдәд, Хар һазра района Комсомольск селәнә Басңга Баатрин нертә гимназин сурһульчнр «Афганистана туск тодлвр бөкшго» гидг кичәлд орлцв.

Һучн тавн җил хооран Хар Һазра района кесг көвүд Афганистанд болсн дәәлдәнд орлцад тенд залу-зөрмгән үзүлҗ, эднәс кесгнь төрскн һазрурн хәрҗ ирсн уга. Әмд үлдсн үүрмүднь эдниг кезә чигн тодлна. Афганистанд болсн дәәнә ветеранмудас кесгнь ода ачнр-зеенрән өскчәнә, болв һазадын орн-нутгт болсн дәәнә тускар мартхш, нег-негндән түшг болҗ ода күртл хоорндан үүрлҗ йовна.
Түүнә тускар гимназин ах классмудын сурһульчнрт Хар Һазра района дәәч-афганцнрин хүүвин ахлач Умар Магомаев келҗ өгв. Мана цергчнр меҗә һатц эврә цергә даалһвран үнн седкләрн күцәҗ йовла гиҗ Умар Сайдаевич келв. Көвүд болн күүкд ветерана келвриг оньган өгч соңсад, сурвран өгв.
- Эн күүндврин өмн арвтнр селәнә сойлын герт Афганистанд болсн дәәлдәнә туск фильм хәләв. Лу сарин 14-д гимназин юнармейцнр Афганистана дәәчнрт нерәдсн бумблвин шидр болсн санлын митингд орлцв, - гиҗ сурһуль-эрдмин бүрдәцин һардачин дарук Раиса Дорджиева келв.
(полную версию статьи можно посмотреть в бумажной версии выпуска № 18 (19000) 22 февраля 2024 года, ЧЕТВЕРГ)

ТҮРВӘН Һуна

Видео