СУРҺУЛЬ-ЭРДМИН БҮРДӘЦС ЯСГДҖАНА

27-02-2024, 15:00 | Общество

Мана таңһчд дунд сурһульмудын бат ясвр сән йовудтаһар күцәгдҗәнә. Шидр эн төрәр Әрәсән Президент Владимир Путинә һардврт болсн селвлцәнд Хальмг Таңһчин Толһач Хаска Бату орлцв.

– Сүл хойр җилин туршарт таңһчд дунд сурһулин 41 гер ясгдв, Троицкое селәнд болхла шин сурһуль тосхгдв. Тер мет немр тавн бәәрн бас эдлврт орв.
Өдгә цагин некврлә ирлцҗәдг кергсл хулдҗ авгдад, сурһульмудт углҗ тәвгдв, – гиҗ Бату Сергеевич темдглв.
Цуг эн тоот 16 миңһн сурһульчин төлә сән таал тогталһнд туслв.
– Эндр болхла Элстд Баһчудын микрорайонд 600 күн багтамҗта шин сурһуль тосхгдҗана, дәкәд зурһан сурһульд бат ясвр күцәгдхмн. Әрәсән Президент Владимир Путинә даалһврар цуг сурһульмудт әәмшг уга бәәдл тогталһна туст шишлң кергсл углҗ тәвгдхмн. Мана регионд онц оньган даңгин тусхадг шаңһа төвд ханлтан өргҗәнәв, – гиҗ Хаска Бату товчлв.

ОЛЬДАН Цаһан

Видео