Хальмгт цааранднь дөңгән күргхән медүлв

29-02-2024, 16:16 | Общество

Әрәсән йиртмҗин көрңгин болн экологин министр Александр Козловин орлцлһтаһар чинртә селвлцә давв. Хальмг Таңһчин Толһач Хаска Батула, тер мет йосна, зөв-йос харлһна, Элст балһсна болн райодын һардврин элчнрлә хамдан социальн-экономическ делгрлтин төрмүдәр өргн күүндвр болв.

2022-2024 җилмүдин көтлврт экономик болн социальн халхсиг делгрүллһнә туст 19 керг-үүлдвр орв. Энүнә күцәлһнд шаңһас 5 җува арслң йилһгдсн билә.
– Хальмг Таңһчин делгрлтин көтлвр яһҗ күцәгдҗәхинь ил үзвидн, дааврта көдлмш кегдсинь бас йир сән, эн җил кесг объектсин тосхлтыг дуусад, социальн-экономическ бәәдлиг сольхар зуралҗанавидн, – гиҗ мана таңһчд дөң-тусан күргҗәдг Әрәсән йиртмҗин көрңгин болн экологин министр Александр Козлов темдглв.
Тер мет мана таңһчд усар тетклһн болн һазр көдәрҗәдг бачм төрмүд бас хаһлгдв. Александр Александровичин келсәр, эн төрмүдин тускар Хаска Батула хамдан кесг җил хооран күүндвр болсмн. Тер цагас авн бәәдл хүврв. Көдәрҗәдг һазрт модд суулһхар шиидвр һарһгдв. Урднь 900 гектар аһу һазрт модд суулһхар зуралгдҗала, 2023 җилин ашар болхла 1,5 миңһн гектар аһу һазрт модд суулһгдв. – Тодлхас, 1999 җилд хамгин олар модд 1,7 миңһн гектар аһу һазрт суулһгдсн билә, эн җил эн дамшлтыг дәкнәс давтҗ, кергтә тоод эрк биш күрхвидн, – гиҗ А.Козлов иткүлв.
(полную версию статьи можно посмотреть в бумажной версии выпуска № 20 (19002) 29 февраля 2024 года, ЧЕТВЕРГ)

Евгения КАРСАНОВА

Видео