Хоорндан ниитәһәр бәәхин төлә

12-03-2024, 13:07 | Общество

Шидр Хальмг Таңһчин Толһач Хаска Батун һардврт келн-улсин болн шаҗна хоорндк төрәр селвлцән болв. Таңһчин Залврин Ахлач Босхмҗин Гилән, Шаҗн Лам Тензин Чойдак, Хальмгин болн Элстин епархийин элч Алексей, мусульманмудын хүүвин элч Аслудин Калабегов, йосна болн района муниципальн бүрдәцсин элчнр терүнд орлцв.

Хальмг Таңһчин сойлын болн зуульчллһна министр Түрбән Саглр таңһчин йосна бүрдәцс келн-улсин болн сойлын ниицәслә яһҗ нөкцлтҗәхин тускар илдкл кев.
Өдгә цагт мана таңһчд келн-улсин болн сойлын нәәмн бүрдәц үүлднә. Тедн дунд түрг-месхетинцнрин төв, солңһсин ниицән, «Жерлестер» хасгудын төв болн нань чигн мөн.
Саглр Денаевнан келсәр, 2023 җилд ирлцңгү төрәр 15 селвлцән давулгдв, 100 шаху төр босхгдв.
– Мана таңһчд 95 һар келн-улс хоорндан ниитәһәр, ахнр-дүүнр мет бәәнә. Тер мет таңһчд нурһлҗдан шар шаҗнд шүтдг әмтн бәәнә, энүнәс иштә сурһуль-эрдмин бүрдәцст эн тоот онц оньгт бәәҗ, Әрәсән Президент Владимир Путинә зааврар күцәгдҗәнә, – гиҗ таңһчин Толһач Хаска Бату темдглв.
(полную версию статьи можно посмотреть в бумажной версии выпуска № 24 (19006) 12 марта 2024 года, ВТОРНИК)

КАРСАНА Евгения

Видео