Эмнлһнә бүрдәцсин өриг даңцах

12-03-2024, 13:15 | Общество

Одахн болсн Хальмг Таңһчин Улсин Хуралын (Парламентин) дарани сессьт ут тоодан арвн долан төр хәләгдв. Сүүрт зәрм закадт сольвр орулгдв, олн үртә өрк-бүлмүдин болн селәнә эдл-ахун делгрлтд туслх закадын төсвс батлгдв, дотр-дундын кергүдин министерств, бүртклһнә-тооцана палат, күүнә болн арһлачнрин зөв харслһна цергллтс күцәсн көдлмшин тооцаһан өгв.

Сүүрин эклцәр 2024 җилин таңһчин хазнд сольвр орулгдв, эн төрәр таңһчин залврин Ахлачин негдгч дарук–таңһчин финансин министр Шурһчин Очр зәңгллһ кев. Тиигәд, таңһчин хазна оруһин әңг 27024,5 сай арслң болн һаруһин әңг 27084,9 сай арслң тогтав. Эрк биш медицинск даатхлһна халхд үүлддг таңһчин эмнлһс 2013 җиләс авн өртә бәәсмн, тегәд терүг даңцахин төлә федеральн төв 436 сай арслң йилһв. Эннь таңһчин эмнлһст үүлдврән цааранднь күцәҗ, бәәрн улст дөңгән күргхд туслхмн гиҗ дааврта һардач темдглв. Тер мет эн җилин хазнд сольвр орулгдсна ашт Целинн района «Сайгачонок» гидг бичкдүдин амрлһна лагерьт сән ясвр кегдхмн, багшнриг белдлһнә болн хазгудын җисә делгрүллһнә төрмүд хаһлгдхмн. Депутатнр хәләгдсн төрәр ухан-тоолврарн хувалцсна хөөн закана төсвд сольвр оруллһиг нег дууһар дөңнв.
(полную версию статьи можно посмотреть в бумажной версии выпуска № 24 (19006) 12 марта 2024 года, ВТОРНИК)

ДООҖАН Наталья

Видео