Дамшлтарн хувалцв

12-03-2024, 13:39 | Общество

Моһа сарин эклцәр Троицкое селәнә гимназьд сурһуль-эрдмин шин эв-арһсин төрәр регионмуд хоорндк хург болв. Тиим нүүрлгч эв- арһ багшнрин болн классин һардачнрин мергҗлт өөдлүллһнд ик нилчән күргнә. Таңһчин сурһуль-эрдмин нүүрлгч бүрдәцсин ниицәнә элчнр эн хургт орлцв. Тер мет алс-зәәһин эв-арһар эн керг-үүлдврт Луганск Улсин Республикин Антрацитин района Фащевск дунд сурһулин һардач Ольга Касьянова болн теднә багшнр орлцҗ, Троицкое селәнә гимназин дамшлтла таньлдв.

– Мана сурһуль таңһчин нүүрлгч бүрдәцсин тоод йовна, урдаснь белдсн зураһар наадм бүрдәләвидн, түүнд дигтә-даратаһар белдҗәләвидн. Фащевка селәнә сурһулин багшнрла бидн сәәнәр нөкцлтҗәнәвидн, теднлә шин эв-арһин халхар селвлцә давуллавидн, – гиҗ гимназин һардач Александра Эняева келв.
Эн саамд чигн ЛНР-ин Фащевка селәнә сурһулин багшнр кичәлмүдт болн нань чигн керг-үүлдврт орлцв, эднд цугнь таасгдв. Тер тоод мастер-классмуд, сурһмҗин олн зүсн төрәр кесн классин часмуд бүрдәгдв.
(полную версию статьи можно посмотреть в бумажной версии выпуска № 24 (19006) 12 марта 2024 года, ВТОРНИК)

ҖААХАН Бадм

Видео