ТӨРСКН КЕЛНӘ БАГШНР

12-03-2024, 13:55 | Общество

Тәвн hурвн җил хооран шин әңг секгдәд, хойр җилд көдлҗәдг Хальмг ик сурһульд сурhуль сурхар орвидн. Мана сурчах дацңд хальмг келнә болн утх- зокъялын деернь орс келнә болн орс утх-зокъялын багшнриг белдҗ hарhх зовтә билә. Сурhулян төгсәчкәд, цуhар багшар көдлв гиҗ келҗ болхмн. Мана багин оютнр кесг җилин туршарт күцәмҗ бәрҗ, нер hарсн багшнр болв. Багш күндтә, тоомсрта күн болдгнь бас үнн юмн гиҗ санх кергтә. Нарт-делкән күүкд улсин сән Өдр угтҗ, хамдан сурч йовсн хойр күүнә тускар келх санатав. Негнь, Галина Александровна Пюрбеева , Элст балhсна 18-ч тойгта дунд сурһулин багш, наадкнь Б.Б. Городовиковин нертә Хальмг ик сурһулин багш Нина Николаевна Шарапова болна.

Галина Александровна Пюрбеева 1971 җилд Ик Буурла района Хомутниковск дунд сурһуль төгсәчкәд, Хальмг ик сурһулин филологин дацңгин хальмг, орс келнә болн утх-зокъялын әңгин оютн болв. Сурhулян төгсәhәд, Галина Александровна 44 җилд багшар көдлҗ йовна. Элст балһсна 19-ч болн Ик Буурла дунд сурһульмудт көдлв.
Сүл 11 җилд Галина Александровна Элст балhсна 18-ч дунд сурһульд багшлҗана. Дамшлтта багшин сурhульчнр Элстин болн Хальмг Таңһчин, Әрәсән, hазадын орнд чигн болсн марһаст орлцна. Эн җил Галина Александровна сурһулин багшнртаhан, сурhульчнртаhан Төрскән харсгч Алдр дәәнд Диилвр делдсн 80 җилин өөнд белдвр кеҗәнә. Элстиг сулдхлһна 80 җилин өөнд нерәдсн марһанд чигн энүнә сурhульчнр орлцв. Билгәрн ончрад, Баир Горяев диилвр бәрв, хойрдгч ормд Баина Васькаева hарв. Нидн хар гөрәр цааҗла харhад, Сиврүр туугдсна авн 80 җил болв. Эн төрәр болсн утх-зокъялын марһанд Диана Кагалтынова негдгч ормд hарв. Иим кевәр Галина Пюрбееван сурһульчнр даңгин ончрна.
(полную версию статьи можно посмотреть в бумажной версии выпуска № 24 (19006) 12 марта 2024 года, ВТОРНИК)

МАНҖИН Николай

Видео