Элстин аэропорт ончта өөнән темдглв

14-03-2024, 13:10 | Общество

1959 җилд Элст балһснд аэропорт секгдәд, эн җил дигтә 65 җил болв. Хальмг Таңһчин Залврин Ахлачин негдгч дарук Цернә Эрднь, тосхлтын, көлгнә болн хаалһин эдл-ахун министрин дарук Фазыл Утебалиев ончта өөнд нерәдсн керг-үүлдврт орлцв.

Тәвдгч җилмүдин чилгчәр Сиврәс төрскн һазрурн хәрҗ ирсн хальмгуд таңһчан шинәс босххар шунв. Олн давхр гермүд, сәәхн бәәшңгүд тосхгдад, Элст балһсиг кеерүлв. Тер мет 1959 җилд Элстәс арвн хойр дууна һазрт ар үзгт аэропорт секгдснь тууҗлгч чинртә йовдл болв. Җирн тавн җилин туршарт аэропорт орн-нутгин балһсдын олнәмтиг зөөҗ, таңһчин көлгнә һоллгч әңгнь болв. Өдгә цагт болхла Элстин аэропорт нарт-делкән чинртә болна.
Вице-премьер Цернә Эрднь Элстин аэропортын көдләчнриг, нег үлү нисәчнриг, инженермүдиг, диспетчермүдиг, оператормудыг йөрәҗ, мел эднә ач-тусар олнәмтн кесг балһсдын хоорнд әәмшг угаһар нисч чаддгинь темдглв. Тер мет ветеранмудт онц ханлтан өргв.
(полную версию статьи можно посмотреть в бумажной версии выпуска № 25 (19007) 14 марта 2024 года, ЧЕТВЕРГ)

КАРСАНА Евгения

Видео