Селәнә улст сән таал тогтаҗ

14-03-2024, 13:20 | Общество

Хальмг Таңһчин Улсин Хуралын (Парламентин) депутатнр зака үүдәгч үүлдврт орлцдг деерән суңһачнрлаһан харһҗ, әмтиг соньмсулҗадг төрмүд хаһллһнд ик оньган тусхана. Нег үлү ода депутатнрин туск таңһчин заканд сольвр орулгдсна ашт эдн кеҗ-күцәҗәдг көдлмшиннь тооцаһан өгч, ямаран төрмүд хаһлсна, ямаран закад батлсна тускар цәәлһвр өгх зөвтә болна. Шидр Хальмг Таңһчин Улсин Хуралын (Парламентин) депутат, «Шин улс» партин әңгин һардач Гаджи Фероян көдлмшин кергәр Яшкулин районд одв.

Тенд депутат района муниципальн бүрдәцин толһач Эдгән Борала харһҗ күүндв, бәәрн улсиг үүмүлҗәдг төрмүдәр соньмсв. «Депутатын көдлмш энтн зуг зака үүдәгч көдлмш биш, хамгин һоллгчнь әмтн, эднә төрмүд болн даалһвр болна», – гиҗ Гаджи Фероян тоолна, тегәд эн таңһчин бүрдәцсин көдләчнрлә, селәдин әмтнлә харһҗ күүндҗ, эднә төрмүдәр соньмсхар шунна. Келхд, депутат әмтнлә харһсн деерән телефоһар болн электронн поштар әмтнә эрлһс авна. Таңһчин райодар йовҗ селәдт бәәдг әмтнлә болдг харһлтс бәәдлиг дор ормднь үзҗ шинҗлҗ, ямаран төрмүд нәрн болҗахиг медҗ авхд туслна гиҗ депутат темдглв. РМО-н толһач Эдгән Борала болсн күүндврт района социальн делгрлтин төрмүд босхгдв.Тернь учрта, юңгад гихлә әмтнәс орҗ ирсн эрлһс дунд ик зунь селәдт сән кец-таал тогталһна, баһчудт цогц-махмудан батрулҗ чик авг-бәрцәр бәәхин төлә спортивн комплексмуд тосхлһна төрмүд онц орман эзлв.
(полную версию статьи можно посмотреть в бумажной версии выпуска № 25 (19007) 14 марта 2024 года, ЧЕТВЕРГ)

ДООҖАН Наталья
ЗУРГТ: Хальмг Таңһчин Улсин Хуралын депутат, «Шин улс» партин әңгин һардач Гаджи Фероян болн Яшкулин РМО-н толһач Эдгән Бора

Видео